Google хүрээлэн буй ертөнцөө олж нээхэд тань туслах зорилгыг өвөрлөн ажилладаг. Манай платформ дээр байршуулсан зураглал ойр орчмынхоо болон дэлхийн өнцөг булан бүрд байрлах газрыг урьдчилан үзэж, судлах боломжийг олгон, таны туршлагыг нэмэх зорилготой. Хэрэглэгчдийнхээ судалдаг дэлхий ертөнцийг тусгасан, хэрэгтэй зураглалыг оруулах нөхцөлийг хангахын тулд бид боломжтой бүхий л арга хэмжээг авдаг.

Гудамж харахын зураглалыг гаднын этгээд эсвэл Google өөрөө оруулж болно. Холбогдох нэр эсвэл дүрс тэмдгээр нь тухайн зургийг ялгаж мэдэх боломжтой. Гаднын этгээд авч, Google газрын зурагт нийтэлсэн зураглалыг тухайн этгээд буюу хувь нэмэр оруулагч (эсвэл түүний өв залгамжлагч) эзэмшинэ.

Google-ийн Гудамж харахын зураглалын бодлого энэ хуудсан дээр бий. Хэрэглэгчийн оруулсан Гудамж харахын зураглалтай холбоотой бодлогыг манай Газрын зургийн хэрэглэгчийн оруулсан контентын бодлого-оос харна уу.

Google-ийн Гудамж харахын зураглалын удирдамж

Гудамж харахын зураглалыг үзэж байгаа хэнд ч эерэг нөлөөтэй, ашиг тустай байлгах үүднээс бид Google-ийн Гудамж харах үйлчилгээний энэхүү бодлогыг боловсруулав. Зохисгүй агуулгыг бидний зүгээс хэрхэн хянах, Гудамж харахын зураглалыг Google газрын зурагт нийтлэхэд ямар шалгууртай болох талаар энд тайлбарласан. Бид бодлогоо цаашид шинэчилж болох тул тогтмол шалгаж байхыг хүсье.

Гудамж харахын зураглал нь тухайн агшных биш

Гудамж харахын зураглал дээр зөвхөн тухайн өдөр манай камерт өртсөн байршлын байдлыг харуулдаг. Зургийг аваад боловсруулж дуусах хүртэл хэдэн сар болдог. Тиймээс тухайн контент нь хэдэн сараас хэдэн жилийн өмнөх байдлыг харуулсан байж болно. Бидний олон жилийн турш зураглалыг нь цуглуулсан зарим байршилд та манай Цаг хугацааны машин функцийг ашиглан тухайн зураглалд орсон өөрчлөлтийг мөн харах боломжтой.

Бүдгэрүүлэх

Гудамж харахын зураглалыг Google газрын зурагт нийтэлсний дараа хувь хүний нууцлалыг хамгаалах зорилгоор Google-ийн зүгээс олон арга хэмжээ авдаг.

Google-ийн Гудамж харах үйлчилгээнд оруулсан зураглал дээрх, танигдаж болох нүүр царай, тээврийн хэрэгслийг бүдгэрүүлэх, хамгийн сүүлийн үеийн, дэвшилтэт технологийг бид хөгжүүлсэн. Хэрвээ нэмж бүдгэрүүлэх шаардлагатай нүүр царай, тээврийн хэрэгслийн улсын дугаарыг олж харах, эсхүл өөрийнхөө орон сууц, автомашин, биеийг бүхэлд нь бүдгэрүүлэхийг хүсвэл "Асуудлыг мэдээлэх" хэрэгслийг ашиглан хүсэлт явуулаарай. Google тухайн зургийг нэгэнт бүдгэрүүлсэн бол цаашид буцааж өөрчлөх боломжгүй болохыг анхаарна уу. Та Гудамж харах үйлчилгээний зураглал дээрх өөрийн орон сууцыг бүдгэрүүлэх хүсэлт гаргасан тохиолдолд танай орон сууцны урьдын болон цаашид нийтлэх бүхий л зургийг мөн адил бүдгэрүүлэх болно.

Зохисгүй контент

Та "Асуудлыг мэдээлэх" холбоосыг ашиглан зохисгүй контентыг мэдээлж болно. Тухай контент уран сайхны, танин мэдэхүйн, эсвэл баримтат үнэ цэнийг агуулаагүй бол дараах төрлийн контентыг бид зохисгүйд тооцно.

Оюуны өмчийн зөрчил

Оюуны өмчийн зөрчил

Бусдын хууль ёсны эрх, тэр дотроо зохиогчийн эрхийг зөрчсөн зураг болон бусад контентыг бид хүлээн зөвшөөрөхгүй. Дэлгэрэнгүй мэдээлэл авах эсвэл Мянганы цахим зохиогчийн эрхийн тухай хууль (DMCA)-ийн дагуу хүсэлт гаргахдаа манай зохиогчийн эрхийн талаар баримтлах журам-тай танилцана уу.

Садар самууныг сурталчилсан контентын дүрс тэмдэг

Садар самууныг сурталчилсан контент

Садар самууныг сурталчилсан контентыг бид хүлээн зөвшөөрөхгүй.

Хууль бус, аюултай, хүчирхийлэл агуулсан контентын дүрс тэмдэг

Хууль бус, аюултай, хүчирхийлэл агуулсан контент

Хууль бус шинжтэй, аюултай хийгээд гэмт үйлдлийг өөгшүүлэн дэмжсэн, хүчирхийллийг тодорхой шалтгаангүйгээр агуулсан контентыг бид хүлээн зөвшөөрөхгүй.

Дарамт, сүрдүүлгийн дүрс тэмдэг

Дарамт, сүрдүүлэг

Бусдыг дарамталж дээрэлхэх, дайрч давшлах зорилгодоо Гудамж харахыг ашигласан контентыг бид хүлээн зөвшөөрөхгүй.

Үзэн ядсан үг хэллэг

Үзэн ядсан үг хэллэг

Арьс өнгө, гарал угсаа, шашин шүтлэг, хөгжлийн бэрхшээл, нас, хүйс, иргэний харьяалал, ахмад дайчин, бэлгийн чиг баримжаа буюу хүйсийн баримжаа илэрхийлэл зэрэгт үндэслэн тухайн хувь хүн болон нийгмийн тодорхой нэг бүлгийн эсрэг хүчирхийллийг өөгшүүлэн, зөвтгөсөн контентыг бид хүлээн зөвшөөрөхгүй.

Террорист контентын дүрс тэмдэг

Террорист контент

Террорист байгууллагууд тус үйлчилгээг ямар нэгэн зорилгоор ашиглах, тэр дотроо хүн элсүүлэх зорилгоор ашиглахыг бид хүлээн зөвшөөрөхгүй. Мөн террорист үйлдлийг дэмжсэн, хүчирхийлэлд турхирсан, эсвэл террорист халдлагыг дэмжсэн гэх зэрэг терроризмтой холбоотой контентыг бид устгах болно.

Хүүхдэд аюул учруулахын дүрс тэмдэг

Хүүхдэд аюул учруулах

Google нь хүүхдийг зүй бусаар ашигласан, хүчирхийлсэн контентыг үл тэвчих бодлого баримталдаг. Үүнд бэлгийн хүчирхийллийг харуулсан бүхий л зураглал, хүүхдийг бэлгийн харьцаанд уруу татаж оролцуулсан бүх төрлийн контент хамаарна. Хэрвээ хүүхдийг дээрх байдлаар зүй бусаар ашигласан байж болзошгүй контенттой таарвал Google-ийн анхаарлыг хандуулах зорилготой байсан ч бусадтай хуваалцаж, сэтгэгдэл бичихгүй байхыг хүсье. Хэрвээ та интернэтэд хаа нэгтээ иймэрхүү контенттой таарвал Сураггүй алга болсон, мөлжлөгт өртсөн хүүхдийн асуудал эрхэлсэн үндэсний төв (NCMEC)-д шууд хандаарай.

Хувь хүнийг тодорхойлох мэдээллийн дүрс тэмдэг

Хувь хүнийг тодорхойлох мэдээлэл

Таны эсвэл өөр хүний зээлийн картын дэлгэрэнгүй мэдээлэл, төрөөс олгосон биеийн байцаалт зэрэг хувь хүнийг тодорхойлох мэдээллийг агуулсан контентыг бид хүлээн зөвшөөрөхгүй.